कार पुरस्कार थाप्दा सन्दीप राईले कसको कोट लगाए ?

अखिल नेपाल फुटबल संघ एन्फाले आफ्नै र्कायालय एन्फा कम्लेक्स सातदोबाटोमा एनसेल फुटबल प्लेयर अफ द इअर २०६९ को घोषणा कार्यक्रम गर्न लागेको थियो । त्यसका लागि खेलाडी, फुटबल पदाधिकारी तथा पत्रकारहरु विहान ११ बजे नै एन्फा कम्प्लेक्स, सातदोबाटो पुगेका थिए ।
     

धरानमा बुढासुब्बा गोल्डकप खेलिरहेका सन्दीप राईले विहीवार हङकङ नेपाली फुटबल महासंघ विरुद्ध खेल्नु पर्ने थियो ।
तर उनलाई फुटबल प्लेयर अफ द इअर २०६९ शीर्ष ३ परेकोले आउनु भनेर एन्फाले बोलाएपछि उनी काठमाडौं आएका थिए । फुटबल प्लेयर अफ द इअर २०६९ को घोषणा लगत्तै धरान फर्कन प्लेनको टिकट पनि काटिसकेका थिए ।

कार्यक्रम सकेर विहीवार नै बुढासुब्बा गोल्डकपमा हङकङ नेपाली फुटबल महासंघ विरुद्धको खेल खेल्न जानु पर्ने भएकाले सन्दीप राई क्याजुअल ड्रेस (कसिलो सर्ट र जिन्स पाइन्टमा) मा नै एन्फा कम्लेक्स सातदोबाटोमा पुगेका थिए ।

र्शीष ३ मा परेको भनेर बोलाइएका भरत खवास र अनिल गुरुङ र्फमल ड्रेस र्अथात कोट पाइन्टमा थिए । सन्दीपलाई क्याजुअल ड्रेसमा देखेर एन्फा अध्यक्ष गणेश थापाले केही असहज महशुस गर्नुभयो किनकी उहाँलाई त थाहा थियो, कार पुरस्कार सन्दीपले नै पाउँछन् भन्ने । त्यसैलेसन्दीपलाई भरत र अनिलले कोट लगाएकाले तिमीले पनि कोट लगाउनु र्पछ, जाउ कोट लगाएर आउ भनेर अह्राएपछि सन्दिप अलमलमा परे ।

त्यसपछि सन्दिप कोटको खोजीमा लागे । उनले एन्फा र्कायालय सादोबाटोमा नै उपाध्यक्ष ललित कृष्ण श्रेष्ठलाई कोट पाइन्टमा चिटिक्क सजिएर बसेको देखें । त्यसपछि त के चाहियो र ? आफैंले खेल्ने गरेको थ्रीस्टार क्लवका अध्यक्ष समेत भएकाले श्रेष्ठसँग कोट माग्न उनलाई केही गाह्रो भएन । सन्दिपले ललितलाई एकान्तमा बोलाएर भने ‘ललित दाई तपाईको कोट दिनु प¥यो अध्यक्ष ज्यूले भनेको ।’

यो प्रस्ताव सुनेर अलमल परेका ललितले भने ‘किन चाहियो र कोट ?’ र्हेनुस न म यस्तो ड्रेसमा आएको छु, अध्यक्ष ज्यू (एन्फा अध्यक्ष गणेश थापा)ले कोट लगाएर आउ भन्नु भएको छ । अब घर जान ढिलो हुन्छ त्यही भएर । तपाईसँग मागेको ।’ सन्दिपको भनाई थियो ।

त्यसपछि ललित कृष्ण श्रेष्ठले आफूले लगाई रहेको कोट सन्दिपलाई लगाउन दिए । र सन्दिपले त्यही कोट लगाएर १७ लाख रुपैयाँ पर्ने कार पुरस्कार थापे । पुरस्कार पाएपछि सन्दिपलाई विमानस्थलसम्म छाड्न श्रेष्ठ नै गएका थिए ।

वर्ष खेलाडी हुँदै विहीवार कार पुरस्कार पाएका राइसँग अब २ वटा कार भएका छन् । जन्मस्थान सुनसरी भएका २३ वर्षीय राइले पोहोर देखि नै किया मोर्टसको पिकान्टो कार चढ्ने गरेका छन् ।

साभारः उज्योलो अनलाईन डटकम